ანა კორძაია-სამადაშვილი: მე ხომ დიდი გოგო ვარ…
მწერალი, მთარგმნელი და ჟურნალისტი ანა კორძაია-სამადაშვილი 1968 წელს დაიბადა. დღეს ანა ილიას სახელმწიფო უნივერსიტეტის სტუდენტებს შემოქმედებითი წერის ლექციებს უკითხავს და მწერალთა ახალ თაობებს თავის გამოცდილებას უზიარებს. მისი ექსპრესიული და ემოციური ტექსტები - ამბები ქალებსა და კაცებზე, სიყვარულსა და სიძულვილზე, სექსზე, იმედგაცრუებაზე - მეტად უჩვეულო და სარკასტულიც კია, რაც ავტორისთვის დამახასიათებელ თხრობის სტილს და ნარატივს ქმნის. ანა „გაბედულად მოგვითხრობს არასრულყოფილი, კრიტიკულად განწყობილი ქალი პერსონაჟების პირად ამბებს, რომლებიც მკითხველში სიმპათიას აღძრავენ.“ ანას მიღებული აქვს არაერთი ქართული ლიტერატურული პრემია. იგი თარგმნის ტექსტებს გერმანულიდან ქართულ ენაზე და ქართულიდან გერმანულად. მის თარგმანებს შორისაა კორნელია ფუნკეს „ქურდების მბრძანებელი“ და ელფრიდე იელინეკის “საყვარლები“, რისთვისაც ავტორს გოეთეს ინსტიტუტის ინსტიტუტის ჯილდო გადაეცა საუკეთესო თარგმანისათვის. ანა კორძაია-სამადაშვილის ტექსტები თარგმნილია მრავალ ენაზე.